Jeremiah 9

Mêtôc kêpi Juda

10Aê kasôm gebe “Aê jabe jataŋ êtu lôcŋa
ma ŋoc taŋiboa êsa êtu gamêŋ gêgwaŋ-gêgwaŋŋa
gebe gêŋ tau ŋakeleŋ kêsa
ma teŋ kêsêlêŋ kêsa gamêŋ tonaŋ gêja atom.
Taŋô bulimakao ŋakicsêa kêtiam atom.
Moc to bôc saleŋŋa sêc êliŋ-êliŋ sêja su.”
11Apômtau kêsôm gebe “Aê oc jatuc Jerusalem popoc êliŋ-êliŋ êtu lênduc,
êtu kêambôm nêŋ gamêŋ.
Ma janam Judanêŋ malac ôkwi êtu gamêŋ sawa,
taŋ lau teŋ sêmoa atom naŋ.”
12Aê katu kênac gebe “Apômtau, kêtu asageŋŋa gamêŋ e popocgeŋ ma ŋakeleŋ amboac gamêŋ sawa ma ŋamalac teŋ kêsêlêŋ kêsa tonaŋ atom. Asa ŋac tokauc gebe êjala gêŋ tonaŋ. Aôm gôwa biŋ tau sa gêdêŋ asa gebe êsôm lasê êndêŋ lau ŋagêdô.”

13Apômtau gêjô biŋ tau gebe “Gêŋ tonaŋ ŋanô kêsa ŋam gebe aêŋoc lau sêwi biŋ, taŋ kadôŋ gêdêŋ êsêac naŋ siŋ. Êsêac taŋeŋ wamu gêdêŋ aê me sêgôm biŋ tau, taŋ kasôm gêdêŋ êsêac naŋ, ŋanô kêsa atom. 14Masigoc, êsêac gêsuŋtêkwa ŋatoŋ ma sêjam sakiŋ anôtô Bal nê ŋakatu kêtôm nêŋ tameŋi têdôŋ êsêac. 15Amboac tonaŋ aŋô biŋ, taŋ aê Apômtau ŋajaŋa ŋatau, lau Israel nêŋ Anôtô, gabe jaŋgôm naŋ acgom. Aê gabe jakêŋ gêŋ ŋamakic êndêŋ ŋoc lau sêniŋ ma jakêŋ bu ŋamalic êndêŋ êsêac sênôm. 16Aê oc janseŋ êsêac êliŋ-êliŋ sêsêp tenteŋlatu ŋalêlôm. Êsêac to tameŋi sêŋô êsêacnêŋ ŋaê gêmuŋ su atom naŋ, ma gabe jasakiŋ ŋacjo totoŋ-totoŋ dêndêŋ êsêac sêna e janseŋ êsêac su sênam samucgeŋ.”

Lau Jerusalem sêmôêc gebe sênam êsêac sa

17Lausiŋ undambêŋa nêŋ Apômtau kêsôm gebe

“Taêm ênam gêŋ, taŋ ŋanô kêsa naŋ. Amôêc taŋipalêo sêmêŋ.
Amôêc êsêac lauo abec sêmêŋ.”
18Lau tau sêsôm gebe

“Ôsôm êndêŋ êsêac gebe sêmêŋ ŋagaôgeŋ ma têtaŋ taŋiboa êtu aêacŋa.
Têtaŋ e mateŋ sulu bôlôb-bôlôbgeŋ ma mateŋgasi ŋawambu êsa.”
19Akêŋ taŋemmaŋ. Taŋiboa ŋakicsêa aŋga Sion gebe

“Aêac abac su.
Aêac majeŋ kêsa samucgeŋ
kêtu awi ma gamêŋ siŋŋa
ma seseŋ ma andu su gêjaŋa.”
20Aê kasôm gebe

“Amac lauo, akêŋ taŋem Apômtau awa
ma aŋô ênê biŋ.
Andôŋ taŋiboa êndêŋ nêm latômio
ma nêm tawaŋi ŋawê taŋiboaŋa.
21Gebe gêmacanô tau kêsô aêacma andu ŋakatam sauŋ
ma kêsô aêacma laumata nêŋ andu gêmêŋ.
Gêmacanô gêjac ŋapalêo to ŋac aŋga malac ŋaintêna
ma lau wakuc aŋga malacluŋ.”
22Ôsôm gebe

“Apômtau kêsôm amboac tonec gebe
Launêŋ ŋawêlêlaŋ saliŋ-saliŋ gêjam gamêŋ aucgeŋ
amboac bôcnê tac, taŋ sêpalip gêjam kôm auc.
Ma amboac polom ŋanô, taŋ lau sêjaŋgowaga sêwi siŋ naŋ,
ma lau teŋ sejoŋ sa atom.”
23Apômtau kêsôm gebe

“Kwalam laŋgwa etoc tau sa êtu nê kaucŋa atom
ma ŋac ŋactêkwa êtu nê ŋaclaiŋa gebe atom,
ma ŋac tolêlôm êtu nê awaŋa atom.
Embe teŋ taê ênam gebe etoc tau sa
go etoc tau sa gebe gêlic to kêjala gebe Aê Apômtau
gebe aêŋoc têtac gêwiŋ gêc gedeŋ tôŋgeŋ
ma gêŋ, taŋ gagôm naŋ, gêdêŋ to solop.
Gêŋ tonaŋ aê galic ŋajam.
Aê, Apômtau tau, kasôm biŋ tonaŋ.”
24

9:25 — 13:27 ŋasêbu tonec kêpuc boa sakiŋ gwamŋa to kêsôm biŋ kapoac walôŋa lasê ma kêkêŋ puc lau gebe Apômtau oc êmoatiŋ poac êndêŋ nê lau. Anôtô kêkêŋ puc Jeremia gebe lau sêkic ênê biŋ ma Apômtau kêpô lêna ŋanô kêtu nê lauŋa. Apômtau agêc Jeremia sêlêŋ biŋ lau gebe tetoc tauŋ sa ma sêŋgôm sec atom.